FE’AUHI KOLOMOTU’A 7S 2021

NA’E lava lelei ‘a hono fakahoko e fainolo ‘o e fe’auhi Kolomotu’a 7s ‘i he ‘aho Tokonaki 17 Mē 2021 ‘i Teufaiva. Na’e tu’o 2 ‘a hono toloi ‘a e fe’auhí ko e ‘alotāmaki ‘a natulá, pea ko ‘ene toki lava leleí eni.

‘I he fainolo ‘a e kalasi ‘uluakí na’e fepaki ai ‘a e timi Toloa Old Boys mo e timi houtamaki Fuekafá mei Te’ekiu. Na’e ‘ilonga ‘aupito ‘a e taukei ange e fānau meí he Vaota Koulá ‘i he’enau ikuna’i molemole ‘aki e kai ko e 25 ki he 0 ‘i he va’inga fakaholomamata mo’oni.

Ko e ola eni ‘o e fe’auhi:

FANAU FEFINE

1. Hihifo $6,000
2. Kolomotu’a $3,000
3. Toa ko Ma’afu $2,000
4. Vaini $1,500
5. Ha’apai $1,000
6. Ngahau Koula $800
7. Lapaha $500
8. Sia ko Veiongo $500

FANAU TANGATA DIVISION 2

1. Houmale’ia $6,000
2. Ngahau Siliva $4,000
3. Toloa Old Boys $2,500
4. Lotolu $1,500
5. Nukunuku $1,200
6. Liahona $1,000
7, Barbaas $700
8. ‘Esi ‘o Salote $700

FANAU TANGATA DIVSION 1

1. Toloa Old Boys $10,000
2. Fuekafa $7,000
3. Marist $5,000
4. Hihifo $3,000
5. Kolomotu’a $2,000
6. Kau Sela $1,200
7. Ngele’ia $900
8. Mu’a Saints $900

Na’e ‘i ai mo e ngaahi pale makehe ‘o hangē ko e lau veesi laulotó, na’e ma’u ‘e he timi ‘a Kolomotu’á e pale ‘uluaki $3000 ‘a e fānau fefine, ua ‘a Hihifo mo e $200 pea tolu leva ‘a Ha’apai mo e $100.
Ko e fānau tangata na’e ma’u ia ‘e Toloa mo e $500, ua ‘a e Kau Selá mo e $300 pea tolu leva ‘a e ‘Esi ‘o Saloté mo e $200.

Kaikehe ne kau mai foki mo e kautaha fetu’utaki ‘a tonga (TCC) ki hono poupoua e taleniti ‘o e fanau. Ne nau fa’u ki’i polokalama vote ki he timi ‘akapulu manakoa taha pea ko e timi ‘e lahitaha hono kau vouti ‘e foaki ki ai ‘a e $10,000.00. Ne to e kaimapu pe ai mo e timi ko ia ‘a Houmale’eia mei he Fo’i’one’one.

‘Oku hoko foki ‘a e fe’auhi Kolomotu’a 7’s ke ne mafoa’i ‘a e fakakaukau tatau ki he ngaahi kalapu ‘akapulu kehe. Kuo tuku mai mei he Fo’I’one’one ‘a e teuaki ko ia ke fakahoko ‘enau tournament ‘akapulu ‘I Tisema ‘o e ta’uni. ‘Oku fakaangaanga ko e timi fakakatoa e 16 ‘e fiemau ki ai pea ‘oku ‘ataa ke kau ange ki ai mo e ngaahi timi mei Tonga ni.

Leave a Reply

Your email address will not be published. Required fields are marked *